Sahihu i Buhariut — Hadithi 2806
12. Nënkapitulli: Ajeti: “Midis besimtarëve ka të atillë, që e kanë mbajtur besëlidhjen me Allahun. Disa prej tyre kanë vdekur, kurse të tjerët presin pa ndryshuar asgjë nga besnikëria e tyre.”
2806. Nga: Enes ibn Malik Ensariu
Enesi (Allahu qoftë i kënaqur me të!) tregon (duke e lidhur hadithin me ngjarjen e hadithit paraprak): “Motra e tij (e Enes ibn Nadrit), që e quanin Rrubejë, ia kishte thyer dhëmbin një gruaje tjetër, andaj i Dërguari i Allahut ﷺ urdhëroi të merrej hak.” Enes ibn Nadri i tha: “O i Dërguari i Allahut! Për Atë, që të ka dërguar me të vërtetën, vallë, nuk thyhet dhëmbi i saj?!” Por, familja e viktimës pranuan të marrin shpagimin dhe hoqën dorë nga hakmarrja. Në atë rast i Dërguari i Allahut ﷺ tha: “Ka robër të Allahut, të cilëve, kur betohen në Allahun, Ai ua realizon betimin.”