Sahihu i Buhariut — Hadithi 2808
13. Nënkapitulli: Vepra e mirë para luftës
Ebu Derdai ka thënë: "Ju luftoni me veprat tuaja. Allahu i Madhërishëm ka thënë: “O besimtarë, përse thoni atë që nuk e bëni? Është shumë e urryer për Allahun të thoni atë që nuk e bëni! Vërtet, Allahu i do ata që luftojnë në rrugën e Tij, të radhitur si të ishin një ndërtesë e fortifikuar.” (Saf, 2-4)
2808. Nga: Bera ibn Azibi
Muhamed ibn Abdurrahimi më ka thënë: Na ka treguar Shebab ibn Sevar Fezariu, e këtij i ka treguar Israili, e ky nga Ebu Is'haku se Bera ibn Azibi (Allahu qoftë i kënaqur me të!) tregon: “Një burrë erdhi te Pejgamberi ﷺ, i veshur me parzmore dhe i tha: “O i Dërguari i Allahut, të luftoj apo të pranoj Islamin?” Pejgamberi ﷺ i tha: “Së pari pranoje Islamin, pastaj lufto.” Ai, e pranoi Islamin, pastaj luftoi dhe u vra. Atëherë i Dërguari i Allahut ﷺ tha: “Punoi pak, por u shpërblye shumë.”
Referenca: Sahihu i Buhariut 2808
Fjalë të panjohura?