Sahihu i Buhariut — Hadithi 2811
16. Nënkapitulli: Atij që i pluhurosen këmbët në rrugën e Allahut
Allahu i Madhërishëm ka thënë: “Banorëve të Medinës dhe beduinëve që janë rreth saj, nuk u lejohet të mos ndjekin të Dërguarin e Allahut, as të kursejnë jetën e tyre para jetës së tij. Kjo është kështu, për shkak se ata që janë në rrugën e Allahut, sa herë që t’i godasë etja, lodhja e uria dhe sa herë që të shkelin në ndonjë vend ku do t’i zemërojnë mohuesit apo t’i gjejë gjë nga ana e armikut, atyre do t’iu shkruhet si vepër e mirë. Me të vërtetë, Allahu nuk do t’ua humbë shpërblimin punëmirëve.” (Teube, 120)
2811. Nga: Abdurrahman ibn Xhebri
Is'haku na ka thënë: Na ka rrëfyer Muhamed ibn Mubareku, e këtij i ka treguar Jahja ibn Hamzai, e këtij i ka treguar Jezid ibn Ebu Merjemi, e këtij i ka rrëfyer Abaje ibn Rafi ibn Hadixhi, e këtij i ka rrëfyer Ebu Absi, gjegjësisht Abdurrahman ibn Xhebri (Allahu qoftë i kënaqur me të!) transmeton se i Dërguari i Allahut ﷺ ka thënë: “Nuk ndodh që dy këmbët e një robi, të cilat pluhurosen në rrugën e Allahut, t'i prekë Zjarri.”