Sahihu i Buhariut — Hadithi 2908

Sulejman ibn Harbi na ka thënë: Na ka treguar Hamad ibn Zejdi, e ky nga Thabiti se Enesi (Allahu qoftë i kënaqur me të!) tregon: “Pejgamberi ﷺ ishte më i miri i njerëzve dhe më trimi. Një natë, banorët e Medinës i kaploi panik, andaj dolën në drejtim të zhurmës. Kur, ja, Pejgamberi ﷺ doli para tyre dhe veçse kishte marrë lajme për rastin. Ai ishte i hipur mbi një kalë të pashaluar të Ebu Talhait, shpatën e kishte varur në qafë dhe tha: “Mos u frikësoni! Mos u frikësoni!” - dhe vijoi: “Ky kalë qenka i furishëm si deti!” - ose ka thënë: "Vërtet qenka si det!”