Sahihu i Buhariut — Hadithi 2950
103. Nënkapitulli: Kur dikush synon një betejë, por fsheh qëllimin e marshimit, si dhe mbi atë që preferon nisjen për në udhëtim ditën e enjte
2950. Nga: Kab ibn Malik Ensariu
Abdullah ibn Muhamedi më ka thënë: Na ka treguar Hishami, e këtij i ka rrëfyer Mameri, e ky nga Zuhriu, e ky nga Abdurrahmani, i biri i Kab ibn Malikut, se babai i tij Kab ibn Maliku (Allahu qoftë i kënaqur me të!) tregon se, Pejgamberi ﷺ për në Betejën e Tebukut u nis ditën e enjte, sepse i pëlqente të nisej (për udhëtim) të enjten.