Sahihu i Buhariut — Hadithi 3095
2. Nënkapitulli: Dhënia e një të pestës së plaçkës së luftës është pjesë e fesë
3095. Nga: Abdullah ibn Abasi
Ebu Numani na ka thënë: Na ka treguar Hamadi, e ky nga Ebu Hamza Dubaiu se Ibn Abasi (Allahu qoftë i kënaqur me të!) tregon: “Delegacioni i fisit abdulkajs erdhën te Pejgamberi ﷺ dhe i thanë: “O i Dërguari i Allahut, ne jemi nga fisi rebia. Mes nesh dhe jush ndodhet vendbanimi i jobesimtarëve të mudarit, andaj nuk po mund të vijmë, përveçse në muajt e shenjtë. Na urdhëro diçka konkrete, që ta praktikojmë dhe t'i ftojmë në të ata që i kemi lënë mbrapa. Pejgamberi ﷺ u tha: “Jua urdhëroj katër gjëra dhe jua ndaloj katër të tjera:
1. Besimin në Allahun, dëshminë se s'ka të adhuruar të denjë përveç Allahut, - dhe i numëroi me gishta, -
2. Faljen e namazit,
3. Dhënien e zekatit,
4. Agjërimin e Ramazanit dhe
5. Dhënien e një të pestës nga plaçka e luftës.
Jua ndaloj: enën prej kungulli, varelën, shtambën dhe vorbën e katranosur (për fermentimin e mushtit).”