Sahihu i Buhariut — Hadithi 3120
8. Nënkapitulli: Fjala e Pejgamberit ﷺ: “Ju është lejuar plaçka e luftës.”
Allahu Fuqiplotë ka thënë: “Allahu ju ka premtuar pre të majme që do të merrni, dhe këtë ua ka shpejtuar dhe ka penguar duart e njerëzve prej jush, që kjo të jetë një shembull (argument) për besimtarët dhe që t’iu drejtojë juve në rrugë të drejtë,” (Fet’h, 20) Pra, ky ajet ka zbritur për njerëzit në përgjithësi, derisa e ka sqaruar Pejgamberi ﷺ.
3120. Nga: Ebu Hurejra
Ebu Jemani na ka thënë: Na ka rrëfyer Shuajbi, e këtij i ka treguar Ebu Zinadi, e ky nga Arexhi se Ebu Hurejra (Allahu qoftë i kënaqur me të!) transmeton se i Dërguari i Allahut ﷺ ka thënë: “Pasi të shkatërrohet kisra (mbreti pers), më nuk do të ketë kisra pas tij dhe, pasi të shkatërrohet cezari (perandori romak), më nuk do të ketë cezar pas tij. Betohem në Atë, në Dorën e të Cilit është shpirti im, se thesaret e tyre do t'i shpenzoni në rrugën e Allahut.”