Sahihu i Buhariut — Hadithi 3130
14. Nënkapitulli: Nëse prijësi dërgon dikë si lajmëtar ose e urdhëron të qëndrojë në vendbanim, a i ndahet edhe atij një pjesë e plaçkës?
3130. Nga: Abdullah ibn Omeri
Musai na ka thënë: Na ka treguar Ebu Avane, e këtij i ka treguar Othman ibn Mevhibi se Ibn Omeri (Allahu qoftë i kënaqur me të!) tregon: “Othmani nuk mori pjesë në Bedër, sepse e bija e të Dërguarit të Allahut ﷺ, e cila ishte e martuar me Othmanin, u sëmur, andaj Pejgamberi ﷺ i tha Othmanit: “Ty të takon shpërblimi dhe plaçka e një burri pjesëmarrës në Bedër.”