Sahihu i Buhariut — Hadithi 3152
19. Nënkapitulli: Hisja që Pejgamberi ﷺ ua jepte personave të caktuar për t’ua përfituar zemrat dhe disa të tjerëve nga një e pesta e plaçkës së luftës
Këtë e transmeton edhe Abdullah ibn Zejdi nga Pejgamberi ﷺ.
3152. Nga: Abdullah ibn Omeri
Ahmed ibn Mikdami më ka thënë: Na ka treguar Fudajl ibn Sulejmani, e këtij i ka treguar Musa ibn Ukbe, e këtij i ka rrëfyer Nafiu se Ibn Omeri (Allahu qoftë i kënaqur me të!) tregon se Omer ibn Hatabi i dëboi hebrenjtë dhe të krishterët nga trojet e Hixhazit. Kur i Dërguari i Allahut ﷺ triumfoi ndaj banorëve të Hajberit, deshi t'i dëbojë hebrenjtë nga ato troje, të cilat asokohe u përkisnin hebrenjve, Pejgamberit ﷺ dhe muslimanëve. Por, hebrenjtë i kërkuan Pejgamberit ﷺ t'i lejojë të qëndrojnë në këmbim të punimit të tokës, duke e mbajtur ata gjysmën e prodhimeve. I Dërguari i Allahut ﷺ u tha: “Po ju lejojmë sipas kësaj marrëveshjeje, aq sa të dëshirojmë.” Kështu, ata qëndruan aty derisa Omeri i dëboi në Tejma dhe Eriha, gjatë kohës së udhëheqjes së tij.