Sahihu i Buhariut — Hadithi 3156
1. Nënkapitulli: Xhizja e armëpushimi me dhimitë dhe armiqtë
Allahu i Madhërishëm ka thënë: “Luftojini ata që nuk besojnë në Allahun e as në Ditën e Kiametit, që nuk e konsiderojnë të ndaluar atë që e ka ndaluar Allahu dhe i Dërguari i Tij, dhe ata, midis atyre që u është dhënë Libri, që nuk e pranojnë fenë e vërtetë, derisa të japin xhizjen (taksën) me dorën e tyre, duke qenë të përulur.” (Teube, 29) Transmetimet rreth marrjes së xhizjes prej çifutëve, të krishterëve, mexhusëve dhe joarabëve. Ibn Ujejne tregon se Ibn Ebu Nexhihi i ka thënë Muxhahidit: "Përse banorët e Shamit ngarkohen me katër dinarë, ndërsa banorët e Jemenit me një dinar?" Muxhahidi është përgjigjur: "Kjo është përcaktuar në bazë të kushteve ekonomike."
3156. Nga: Musab ibn Zubejri
Ali ibn Abdullahu na ka thënë: Na ka treguar Sufjani se Amër ibn Dinari tregon: “Po rrinim me Xhabir ibn Zejdin dhe Amër ibn Evsin, të cilëve, në vitin shtatëdhjetë, - vitin kur Musab ibn Zubejri erdhi në haxh me banorët e Basrës, - Bexhaliu u rrëfeu te shkallët e Zemzemit dhe u tha: “Unë kam qenë qatipi i Xhez ibn Muaviut, - axhës së Ahnefit, - kur na erdhi letër prej Omer ibn Hatabit, një vit para se të vdiste, ku thoshte: “Ndani të gjithë mexhusët që janë martuar me mahremët e tyre.” Ndërkohë, Omeri nuk ua detyronte mexhusëve xhizjen.”
Referenca: Sahihu i Buhariut 3156
Fjalë të panjohura?