Sahihu i Buhariut — Hadithi 3167
6. Nënkapitulli: Dëbimi i hebrenjve nga Siujdhesa Arabe
Omeri transmeton se Pejgamberi ﷺ ka thënë: “Po ju lëmë të qëndroni aq sa të dojë Allahu.”
3167. Nga: Ebu Hurejra
Abdullah ibn Jusufi na ka thënë: Na ka treguar Lejthiu, e këtij i ka treguar Seid Makburiu, e ky nga babai i tij se Ebu Hurejra (Allahu qoftë i kënaqur me të!) tregon: “Teksa po qëndronim në xhami, Pejgamberi ﷺ doli dhe tha: “Nisuni për te hebrenjtë!” Ne u nisëm dhe, me të arritur te shtëpia e Midrasit, Pejgamberi ﷺ tha: “Pranojeni Islamin, që të shpëtoni dhe dijeni se kjo tokë i takon Allahut dhe të Dërguarit të Tij. Unë dua t'ju dëboj nga kjo tokë, andaj, kush nuk mund ta marrë pasurinë me vete, le ta shesë. Përndryshe, dijeni se kjo tokë i takon Allahut dhe të Dërguarit të Tij.”