Sahihu i Buhariut — Hadithi 3175
14. Nënkapitulli: A i falet dhimiut nëse bën sihër?
Ibn Vehbi ka thënë: "Më ka rrëfyer Junusi se Ibn Shihabi është pyetur: "A vritet banori që është nën mbrojtjen e muslimanëve nëse bën sihër?" Ai është përgjigjur: "Na ka arritur transmetimi se Pejgamberit ﷺ i është bërë sihër, por, atë që i kishte bërë sihrin, në këtë rast ithtar i Librit, nuk e ka vrarë."
3175. Nga: Aishe bint Ebu Bekri
Muhamed ibn Muthena më ka thënë: Na ka treguar Jahjai, e këtij i ka treguar Hishami, e këtij i ka treguar babai i tij se Aishja (Allahu qoftë i kënaqur me të!) tregon se Pejgamberit ﷺ i ishte bërë sihër, saqë, për gjërat që nuk i bënte, i parafytyrohej se i bënte.