Sahihu i Buhariut — Hadithi 3178
17. Nënkapitulli: Mëkati i atij që premton e pastaj tradhton
Allahu Fuqiplotë ka thënë: “Janë ata me të cilët ke bërë marrëveshje, por që çdoherë e shkelin atë dhe nuk i frikësohen Allahut.” (Enfal, 56)
3178. Nga: Abdullah ibn Amër ibn Asi
Kutejbe ibn Seidi na ka thënë: Na ka treguar Xheriri, e ky nga Ameshi, e ky nga Abdullah ibn Murra, e ky nga Mesruku se Abdullah ibn Amri (Allahu qoftë i kënaqur me të!) transmeton se i Dërguari i Allahut ﷺ ka thënë: “Ai që i ka katër tipare, është hipokrit i kulluar:
1. Kur flet, gënjen;
2. Kur premton, nuk e mban atë;
3. Kur i besohet, tradhton;
4. Kur polemizon, bëhet vulgar.
Ndërkaq, ai që ka vetëm njërin prej tyre, atëherë ka një prej tipareve të hipokrizisë, derisa ta braktisë atë.”