Sahihu i Buhariut — Hadithi 3218
6. Nënkapitulli: Përmendja e melekëve
Enesi ka thënë: "Abdullah ibn Selami i tha Pejgamberit ﷺ: "Xhibrili ﷺ është meleku armik i hebrenjve." Ibn Abasi, në komentimin e ajetit: “Ne jemi ata që qëndrojmë në radhë”, (Safat, 165) ka thënë: "Janë për qëllim melekët."
3218. Nga: Abdullah ibn Abasi
Ebu Numani na ka thënë: Na ka treguar Omer ibn Dherri. [t]: Jahja ibn Xhaferi më ka thënë: Na ka treguar Vekiu, e ky nga Omer ibn Dherri, e ky nga babai i tij, e ky nga Seid ibn Xhubejri se Ibn Abasi (Allahu qoftë i kënaqur me të!) transmeton se i Dërguari i Allahut ﷺ i ka thënë Xhibrilit: “Vallë, pse nuk na viziton më shpesh?” Atëherë zbriti ajeti: “(Xhibrili tha): “Ne (melekët) zbresim vetëm me urdhrin e Zotit tënd. Atij i përket gjithçka që është para nesh, gjithçka që është pas nesh dhe gjithçka që është në mes. Dhe Zoti yt nuk harron kurrë.” (Merjem, 64)