Sahihu i Buhariut — Hadithi 3224
7. Nënkapitulli: Kur dikush thotë ‘amin’, në përputhje me melekët në qiell, i falen mëkatet e së kaluarës
3224. Nga: Aishe bint Ebu Bekri
Muhamedi na ka thënë: Na ka rrëfyer Mahledi, e këtij i ka rrëfyer Ibn Xhurejxhi, e ky nga Ismail ibn Umeje, e këtij i ka treguar Nafiu, e këtij i ka treguar Kasim ibn Muhamedi se Aishja (Allahu qoftë i kënaqur me të!) tregon: “Pejgamberit ﷺ i përgatita një jastëk, në të cilin ndodheshin ca vizatime. Kur erdhi Pejgamberi ﷺ, i ndryshoi fytyra, andaj i thashë:
- Çfarë bëmë, o i Dërguari i Allahut?
- “Ç'është puna e këtij jastëku?” - pyeti Pejgamberi ﷺ.
- Thjesht jastëk, e kam bërë për ty, që të shtrihesh në të.
- “A nuk e di që melekët nuk hyjnë në atë shtëpi ku ka piktura (frymorësh) dhe se Ditën e Kiametit piktorët e këtyre pikturave do të dënohen e do t'u thuhet: “Jepuni jetë (po patët mundësi) gjërave që i keni vizatuar!” - i tha Pejgamberi ﷺ.”