Sahihu i Buhariut — Hadithi 3264

Allahu i Lartësuar ka thënë: “Përpos ujit të vluar dhe qelbësirave.” (Nebe, 25) “E as ushqim tjetër, përveç qelbit.” (Haka, 36) “Me të vërtetë, ju (idhujtarë) dhe idhujt që i adhuroni në vend të Allahut, do të jeni lëndë djegëse për Xhehenemin...” (Enbija, 98) “... ose, që nuk do të dërgojë mbi ju stuhi me rërë...” (Isra, 68) “Pas tyre është Xhehenemi, ku do të pinë ujë të qelbur.” (Ibrahim, 16) “... Sa herë të zbehet zjarri, Ne do t’ia shtojmë flakën.” (Isra, 97) “A e shihni zjarrin që e ndizni?” (Vakia, 71) “Ne e kemi bërë atë përkujtues (të zjarrit të Xhehenemit) dhe që t’u sjellë dobi nevojtarëve.” (Vakia, 73) “... tregojuni atyre rrugën e Zjarrit flakërues!” (Safat, 23) “Pastaj, ata do të kenë një përzierje me ujë të nxehtë (për të pirë).” (Safat, 67) “... do të hyjnë në zjarr, ku do t’i presin veç ofshamat e vajtimet.” (Hud, 106) “E do t’i shtyjmë të ligët në Xhehenem, si tufë e etur.” (Merjem, 86) “Pas tyre erdhën brezni, që e braktisën faljen e namazit dhe ndoqën epshet e veta. Ata do të pësojnë dënimin e madh.” (Merjem, 59) “Në ujë të valë e pastaj të digjen në zjarr.” (Gafir, 72) “Kundër jush do të dërgohen flakë zjarri dhe tunxh i shkrirë...” (Rrahman, 35) “... (e do t’u thuhet): "Shijoni dënimin me djegie të tmerrshme!” (Haxh, 22) “Ndërsa xhinët i krijoi prej flakës së zjarrit.” (Rrahman, 15) “Mirëpo, ata e mohojnë të Vërtetën kur u vjen, kështu që ata janë në gjendje të turbulluar.” (Kaf, 5) “Ai i ka lëshuar dy dete që të takohen.” (Rrahman, 19)