Sahihu i Buhariut — Hadithi 3296
12. Nënkapitulli: Xhinët dhe shpërblimi e dënimi i tyre
Allahu Fuqiplotë ka thënë: “O ju grup i xhinëve dhe i njerëzve, a nuk ju patën ardhur të dërguar nga mesi juaj, për t’ju treguar shpalljet Tona dhe për t’ju paralajmëruar takimin me këtë ditë? Ata do të thonë: "Ne dëshmojmë kundër vetes sonë. Vërtet, jeta e kësaj bote i mashtroi ata, kështu që ata do të dëshmojnë kundër vetes se kanë qenë mohues.” (Enam, 130) “Posa dëgjuam udhëzimin (Kuranin), Ne besuam në të; e kush beson në Zotin e vet, nuk ka përse të frikësohet se mos dëmtohet, as se mos i bëhet padrejtësi.” (Xhin, 13) “...kurse xhinët e dinë se ata do të sillen të gjithë para Tij.” (Safat, 158) “Zotat nuk mund t’i ndihmojnë, e megjithatë idhujtarët janë si një ushtri e pranishme për (t’i mbrojtur) ata.” (Jasin, 75)
3296. Nga: Ebu Seid Hudriu
Kutejbe transmeton nga Maliku, e ky nga Abdurrahman ibn Abdullah ibn Abdurrahman ibn Ebu Sasae Ensariu, e këtij i ka treguar babai i tij se Abdullah ibn Abdurrahman Ensariu tregon se Ebu Seid Hudriu (Allahu qoftë i kënaqur me të!) i ka thënë: “Kam vënë re se i pëlqen bagëtitë dhe fushat. Kur të jesh te bagëtitë ose nëpër fusha dhe e thërret ezanin, ngrije zërin, sepse nuk ndodh ta dëgjojë zërin e muezinit ndonjë xhin, njeri ose diçka tjetër, e të mos dëshmojë për ty Ditën e Kiametit.”
Pastaj, Ebu Seidi tha: “Këtë e kam dëgjuar prej të Dërguarit të Allahut ﷺ.”