Sahihu i Buhariut — Hadithi 3304
15. Nënkapitulli: Pasuria më e mirë e muslimanit është një tufë delesh, të cilat i kullot nëpër maja të maleve
3304. Nga: Xhabir ibn Abdullah Ensariu
Is'haku na ka thënë: Na ka rrëfyer Revhu, e këtij i ka rrëfyer Ibn Xhurejxhi, e këtij i ka rrëfyer Atai se Xhabiri (Allahu qoftë i kënaqur me të!) transmeton se i Dërguari i Allahut ﷺ ka thënë: “Kur fillon të bjerë errësira e natës, - ose ka thënë: kur të vijë mbrëmja, - mbani fëmijët tuaj brenda, sepse atëherë shpërndahen shejtanët. Pasi të kalojë një pjesë e mbrëmjes, lejoni të dalin. Po ashtu, mbyllni dyert duke përmendur emrin e Allahut, sepse shejtani nuk mund të hapë derë të mbyllur.”
Imam Buhariu ka thënë: “Më ka rrëfyer Amër ibn Dinari se e ka dëgjuar Xhabir ibn Abdullahun, ngjashëm me atë që ma ka rrëfyer Atai, përpos që këtu nuk e ka përmendur: “Dhe përmendni emrin e Allahut!”