Sahihu i Buhariut — Hadithi 3489
1. Nënkapitulli: Virtytet
Allahu Fuqiplotë ka thënë: “O njerëz! Në të vërtetë, Ne ju krijuam ju prej një mashkulli dhe një femre dhe ju bëmë popuj e fise, për ta njohur njëri-tjetrin. Më i nderuari prej jush tek Allahu është ai që i frikësohet më shumë Atij. Vërtet, Allahu është i Gjithëdijshëm dhe për Të asgjë nuk është e fshehtë.” (Huxhurat, 13) “O njerëz! Frikësojuni Zotit tuaj, i Cili ju krijoi prej një njeriu, ndërsa prej tij krijoi bashkëshorten e tij, kurse prej këtyre të dyve krijoi shumë meshkuj e femra. Dhe frikësojuni Allahut, me emrin e të Cilit ju kërkoni të drejtat e ndërsjella dhe ruani lidhjet farefisnore. Se vërtet, Allahu është përherë Mbikëqyrës mbi ju.” (Nisa, 1) Veprimet e ndaluara të injorancës paraislame.
3489. Nga: Abdullah ibn Abasi
Halid ibn Jezid Kahiliu na ka thënë: Na ka treguar Ebu Bekri, e ky nga Ebu Hasini, e ky nga Seid ibn Xhubejri se Ibn Abasi (Allahu qoftë i kënaqur me të!), duke komentuar ajetin: “... dhe ju bëmë popuj e fise, për ta njohur njëri-tjetrin...”, (Huxhurat, 13) ka thënë: “Fjala popuj nënkupton fiset e mëdha, ndërsa fjala fise familjet që kanë një gjenezë të përbashkët.”
Referenca: Sahihu i Buhariut 3489
Fjalë të panjohura?