Sahihu i Buhariut — Hadithi 3507
4. Nënkapitulli: Prejardhja e jemenasve prej Ismailit ﷺ, prej tyre edhe Eslem ibn Efsa ibn Harithe ibn Amër ibn Amir (fisi eslem) prej fisit huza’a
3507. Nga: Seleme ibn Ekvai
Musededi na ka thënë: Na ka treguar Jahjai, e ky nga Jezid ibn Ebu Ubejdi se Seleme (Allahu qoftë i kënaqur me të!) tregon se i Dërguari i Allahut ﷺ kaloi pranë një grupi të fisit eslem që po gjuanin në shenjë dhe u tha: “Gjuani, o pasardhësit e Ismailit, sepse babai juaj ka qenë shenjëtar, kurse unë po u bashkohem benu filanëve”, - duke aluduar në njërin prej grupeve. Pala tjetër ndaluan së gjuajturi, andaj Pejgamberi ﷺ pyeti: “Ç'kanë ata?” Ata i thanë: “E si të gjuajmë, ndërkohë ti je me ta?” Atëherë, Pejgamberi ﷺ u tha: “Gjuani, sepse unë jam me të gjithë ju.”