Sahihu i Buhariut — Hadithi 3526
13. Nënkapitulli: Ai që thirret në përkatësinë e paraardhësve të vet, në Islam dhe para Islamit
Ibn Omeri dhe Ebu Hurejra transmetojnë se Pejgamberi ﷺ ka thënë: “I ndershmi, i biri i të ndershmit, i biri i të ndershmit, i biri i të ndershmit, është Jusufi, i biri i Jakubit, i biri i Is’hakut, i biri i Ibrahimit ﷺ, mikut të Allahut.” Berai tregon se Pejgamberi ﷺ ka thënë: “Unë jam i biri i Abdulmutalibit.”
3526. Nga: Abdullah ibn Abasi
Kabisa na ka thënë: Na ka rrëfyer Sufjani, e ky nga Habib ibn Ebu Thabiti, e ky nga Seid ibn Xhubejri se Ibn Abasi (Allahu qoftë i kënaqur me të!) ka thënë: “Kur ka zbritur ajeti: “Paralajmëroje farefisin tënd më të afërm”, (Shuara, 214) Pejgamberi ﷺ filloi të thërrasë fiset një nga një (me emra).”