Sahihu i Buhariut — Hadithi 3532
17. Nënkapitulli: Transmetimet rreth emrave të të Dërguarit të Allahut ﷺ
Allahu Fuqiplotë ka thënë: “Muhamedi është i Dërguari i Allahut. Ata që janë me të, janë të ashpër ndaj jobesimtarëve e të mëshirshëm mes vete...” (Fet’h, 29) dhe: “... një i dërguar që do të vijë pas meje, me emrin Ahmed...” (Saf, 6)
3532. Nga: Xhubejr ibn Mutëimi
Ibrahim ibn Mundhiri më ka thënë: Më ka treguar Meani, e ky nga Maliku, e ky nga Ibn Shihabi, e ky nga Muhamed ibn Xhubejr ibn Mutëimi se Xhubejr ibn Mutëimi (Allahu qoftë i kënaqur me të!) transmeton se i Dërguari i Allahut ﷺ ka thënë: “Unë i kam pesë emra:
1. Unë jam Muhamedi dhe
2. Ahmedi,
3. Unë jam Fshirësi (el Mahi): nëpërmjet meje Allahu do ta fshijë kufrin (mosbesimin),
4. Unë jam Tubuesi (el Hashir): njerëzit do të tubohen te këmbët e mia, dhe
5. Unë jam Përmbyllësi (el Akib).”