Sahihu i Buhariut — Hadithi 3569
24. Nënkapitulli: Pejgamberit ﷺ i flinin sytë, por jo zemra
Këtë e transmeton edhe Seid ibn Minai nga Xhabiri, e ky nga Pejgamberi ﷺ.
3569. Nga: Aishe bint Ebu Bekri
Abdullah ibn Mesleme na ka thënë: Na ka treguar Maliku, e ky nga Seid Makburi se Ebu Seleme ibn Abdurrahmani tregon se e pyeti Aishen (Allahu qoftë i kënaqur me të!): “Si ishte namazi i të Dërguarit të Allahut ﷺ gjatë Ramazanit?” Ajo iu përgjigj: “As në Ramazan, as jashtë tij nuk shtonte më shumë se njëmbëdhjetë rekate. I falte katër rekate, ndërkohë mos pyet për bukurinë dhe gjatësinë e tyre; pastaj i falte katër të tjera, e mos pyet për bukurinë dhe gjatësinë e tyre; në fund, i falte edhe tri sosh. Unë e pata pyetur:
- O i Dërguari i Allahut, a po fle para vitrit?
- “Oj Aishe, sytë më flenë, por jo zemra”, - u përgjigj ai.