Sahihu i Buhariut — Hadithi 4052
18. Nënkapitulli: Ajeti: “Dy grupe nga ju, të shtyrë nga frika, menduan të ktheheshin, ndonëse Allahu është Ndihmëtar i tyre. Andaj besimtarët le të mbështeten vetëm tek Allahu.”
4052. Nga: Xhabir ibn Abdullah Ensariu
Kutejbe na ka thënë: Na ka treguar Sufjani, e këtij i ka rrëfyer Amri se Xhabiri (Allahu qoftë i kënaqur me ta!) tregon: “I Dërguari i Allahut ﷺ më tha: “A je martuar, o Xhabir?”
- Po, - i thashë.
- “Me çfarë? Të virgjër apo të ve?”
- Me të ve.
- “Pse nuk e ke marrë të re, që të dëfrehet me ty?”
- O i Dërguari i Allahut, babai im është vrarë në Uhud dhe ka lënë nëntë vajza, pra, nëntë motrat e mia. Prandaj, nuk doja t'u shtoja atyre një vajzë të re axhami sikurse ato, mirëpo një grua që i kreh dhe kujdeset për to, - i thashë.
- “Ia ke qëlluar”, - tha Pejgamberi ﷺ.”