Sahihu i Buhariut — Hadithi 4073

Is'hak ibn Nasri na ka thënë: Na ka treguar Abdurrezaku, e ky nga Mameri, e ky nga Hemami se Ebu Hurejra (Allahu qoftë i kënaqur me të!) tregon se i Dërguari i Allahut ﷺ ka thënë: “Hidhërimi i Allahut është shtuar mbi një popull që ia bënë këtë Pejgamberit të Tij”, - duke bërë me shenjë nga njëri prej dhëmbëve prerës anësorë (që i ishte thyer). - “Hidhërimi i Allahut është shtuar mbi një njeri të cilin e ka vrarë i Dërguari i Allahut në rrugën e Allahut.”