Sahihu i Buhariut — Hadithi 4115
30. Nënkapitulli: Lufta e Hendekut, që ndryshe njihet si Ahzabi
Musa ibn Ukbe ka thënë: "Ajo u zhvillua në muajin sheval të vitit të katërt."
4115. Nga: Abdullah ibn Ebu Eufai
Muhamedi na ka thënë: Na ka rrëfyer Fezari dhe Abde, e ky nga Ismail ibn Ebu Halidi se Abdullah ibn Ebu Eufai (Allahu qoftë i kënaqur me të!) tregon: “I Dërguari i Allahut ﷺ bëri dua kundër ahzabit (aleatëve idhujtarë) duke thënë: “O Allah, Ti që e ke shpallur Librin dhe që i llogarit gjërat shpejt! Mposhti aleatët e mosbesimit! O Allah, mposhti dhe tronditi ata!”