Sahihu i Buhariut — Hadithi 4162
36. Nënkapitulli: Beteja e Hudejbijes
Allahu i Madhërishëm ka thënë: “Allahu është i kënaqur me ata besimtarë, kur t’u betuan për besnikëri nën hijen e pemës. Ai e dinte se ç’kishte në zemrat e tyre, prandaj u dha atyre qetësi dhe i shpërbleu me një fitore të afërt.” (Fet’h, 18)
4162. Nga: Seid ibn Musejibi
Muhamed ibn Rafiu më ka thënë: Na ka treguar Shebab ibn Sevar Ebu Amër Fezariu, e këtij i ka treguar Shuëbe, e ky nga Katadja, e ky nga Seidi, i biri i Musejebit, se babai i tij Musejebi (Allahu qoftë i kënaqur me të!) ka thënë: “Unë e kam parë pemën. Por, kur pata shkuar pas një kohe, nuk e pata njohur cila ka qenë.”
Mahmudi thotë (se ka thënë): “(Në një transmetim:) “Pastaj pata harruar cila ka qenë.”