Sahihu i Buhariut — Hadithi 4164
36. Nënkapitulli: Beteja e Hudejbijes
Allahu i Madhërishëm ka thënë: “Allahu është i kënaqur me ata besimtarë, kur t’u betuan për besnikëri nën hijen e pemës. Ai e dinte se ç’kishte në zemrat e tyre, prandaj u dha atyre qetësi dhe i shpërbleu me një fitore të afërt.” (Fet’h, 18)
4164. Nga: Seid ibn Musejibi
Musai na ka thënë: Na ka treguar Ebu Avane, e këtij i ka treguar Tariku, e ky nga Seid ibn Musejebi se babai i tij Musejebi (Allahu qoftë i kënaqur me të!) tregon se ka qenë në mesin e atyre që dhanë besën nën pemë. Por, kur pas një viti kishin shkuar aty, nuk e kishin dalluar cila ka qenë pema (nën të cilën kishin dhënë besën).