Sahihu i Buhariut — Hadithi 4166
36. Nënkapitulli: Beteja e Hudejbijes
Allahu i Madhërishëm ka thënë: “Allahu është i kënaqur me ata besimtarë, kur t’u betuan për besnikëri nën hijen e pemës. Ai e dinte se ç’kishte në zemrat e tyre, prandaj u dha atyre qetësi dhe i shpërbleu me një fitore të afërt.” (Fet’h, 18)
4166. Nga: Abdullah ibn Ebu Eufai
Adem ibn Ebu Ijasi na ka thënë: Na ka treguar Shuëbe, e ky nga Amër ibn Murra se Abdullah ibn Ebu Eufai (Allahu qoftë i kënaqur me ta!), i cili kishte marrë pjesë në besëlidhjen nën pemë, ka thënë: “Kur ndokush ia çonte Pejgamberit ﷺ zekatin, ai lutej: “O Allah, bekoji ata!” Kur babai im ia çoi zekatin, ai u lut: “O Allah, bekoje familjen e Ebu Eufait!”