Sahihu i Buhariut — Hadithi 4167
36. Nënkapitulli: Beteja e Hudejbijes
Allahu i Madhërishëm ka thënë: “Allahu është i kënaqur me ata besimtarë, kur t’u betuan për besnikëri nën hijen e pemës. Ai e dinte se ç’kishte në zemrat e tyre, prandaj u dha atyre qetësi dhe i shpërbleu me një fitore të afërt.” (Fet’h, 18)
4167. Nga: Abdullah ibn Zejd Maziniu
Ismaili na ka thënë: Na ka treguar vëllai im, e ky nga Sulejmani, e ky nga Amër ibn Jahjai se Abad ibn Temimi tregon: “Ditën e Harrës njerëzit i dhanë besën Abdullah ibn Handhales. Atëherë Ibn Zejdi tha: “Për çfarë po i japin besën njerëzit Ibn Handhales?”
- (Për luftë) deri në vdekje, - i tha dikush.
- Pas të Dërguarit të Allahut ﷺ nuk ia jap besën askujt për këtë, - tha Ibn Zejdi.
Ai pati marrë pjesë në Hudejbije së bashku me të Dërguarin e Allahut ﷺ.”