Sahihu i Buhariut — Hadithi 4198

Sadaka ibn Fadli na ka thënë: Na ka rrëfyer Ibn Ujejne, e këtij i ka treguar Ejubi, e ky nga Muhamed ibn Sirini se Enes ibn Maliku (Allahu qoftë i kënaqur me të!) tregon: “Në Hajber arritëm në mëngjes. Atëherë banorët dolën me mjete pune. Kur e panë Pejgamberin ﷺ, thirrën: “Muhamedi, për Allahun! Muhamedi me ushtri!” Pejgamberi ﷺ tha: “Allahu ekber! U mposht Hajberi! Kur ne zbresim në mejdanin e një populli, sa mëngjes të shëmtuar gdhijnë ata që janë paralajmëruar!”

Aty morëm ca gomarë prej tyre (dhe i zjemë). Por, lajmëtari i Pejgamberit ﷺ thirri: “Allahu dhe i Dërguari i Tij po jua ndalojnë mishin e gomarëve, sepse ata janë të ndyrë!”