Sahihu i Buhariut — Hadithi 4205

Shebibi transmeton nga Junusi, e ky nga Ibn Shihabi, e këtij i ka rrëfyer Ibn Musejebi dhe Abdurrahman ibn Abdullah ibn Kabi se Ebu Hurejra (Allahu qoftë i kënaqur me të!) ka thënë: “Ne kemi marrë pjesë me Pejgamberin ﷺ në Hunejn.”

Ibn Mubareku transmeton nga Junusi, e ky nga Zuhriu, e ky nga Seidi, e ky nga Pejgamberi ﷺ. Transmetimin e Junusit e ka fuqizuar Salihu nga Zuhriu. Zubejdi ka thënë: “Më ka rrëfyer Zuhriu, e këtij i ka treguar Abdurrahman ibn Kabi, e këtij i ka rrëfyer Ubejdullah ibn Kabi: “Më ka treguar dikush që ka marrë pjesë me Pejgamberin ﷺ në Hajber.” Zuhriu ka thënë: “Më ka rrëfyer Ubejdullah ibn Abdullahu dhe Seidi nga Pejgamberi ﷺ.”