Sahihu i Buhariut — Hadithi 4229

Jahja ibn Bukejri na ka thënë: Na ka treguar Lejthiu, e ky nga Junusi, e ky nga Ibn Shihabi, e ky nga Seid ibn Musejebi se Xhubejr ibn Mut'imi (Allahu qoftë i kënaqur me të!) tregon: “Unë dhe Othman ibn Afani shkuam te Pejgamberi ﷺ dhe i thamë: “Benu mutalibëve u ke dhënë prej plaçkës së Hajberit, kurse neve jo. Ndërkaq, të dy palët kemi pozitën e njëjtë në raport me ty.” Pejgamberi ﷺ u tha: “Benu hashimët dhe benu mutalibët janë të njëjtë.”

Xhubejri shton: “Pejgamberi ﷺ nuk i ka dhënë hise as familjes benu abdushems, as familjes benu neufel.”