Sahihu i Buhariut — Hadithi 4343
61. Nënkapitulli: Dërgimi i Ebu Musait dhe Muadhit në Jemen, para haxhit lamtumirës
4343. Nga: Ebu Musa Eshariu
Is'haku më ka thënë: Na ka treguar Halidi, e ky nga Shejbaniu, e ky nga Seid ibn Ebu Burde, e ky nga babai i tij se Ebu Musa Eshariu (Allahu qoftë i kënaqur me të!) tregon se Pejgamberi ﷺ e dërgoi atë në Jemen dhe e pyeti për pijet që prodhohen atje:
- “Çfarë pijesh përdorin?”
- Bit'ë dhe mizër, - tha Ebu Musai.
Seidi thotë: “E kam pyetur Ebu Burden: Çka është bit'ë?”
- Musht prej mjalti, kurse mizri është musht prej elbi, - tha ai.
- “Çdo gjë që deh është e ndaluar”, - i tha Pejgamberi ﷺ.
Xheriri dhe Abdulvahidi e transmetojnë nga Shejbaniu, e ky nga Ebu Burde.