Sahihu i Buhariut — Hadithi 4391
75. Nënkapitulli: Ardhja e esharijinjve dhe banorëve të Jemenit
Ebu Musai tregon se Pejgamberi ﷺ ka thënë: “Ata janë të mitë dhe unë jam i tyri.”
4391. Nga: Abdullah ibn Mesudi
Abdani na ka thënë: Na ka treguar Ebu Hamzai, e ky nga Ameshi, e ky nga Ibrahimi se Alkame tregon: “Teksa po rrinim me Ibn Mesudin (Allahu qoftë i kënaqur me të!), erdhi Hababi dhe tha: "O Ebu Abdurrahman, a kanë mundësi këta djelmosha të lexojnë ashtu siç lexon ti?"
- Po deshe, do të urdhëroj ndonjërin të lexojë, - tha Ibn Mesudi.
- Po, - tha Hababi.
- Lexo, o Alkame!
- Po e urdhëron Alkamen të lexojë, ndërkohë që ai nuk lexon më mirë se ne?! - tha Zejd ibn Hudajri, vëllai i Zijad ibn Hudajrit.
- Në deshe ti, do të të tregoj për atë që Pejgamberi ﷺ ka thënë për popullin tënd dhe popullin e tij? - iu drejtua Ibn Mesudi.
Alkame tregon: “Pasi i lexova pesëdhjetë ajete nga surja Merjem, Abdullahu i tha:
- Si po të duket?
- Shumë bukur!
- Çdo gjë që unë lexoj, e lexon edhe ai (Alkame), - tha Ibn Mesudi. Pastaj u kthye nga Hababi, i cili kishte një unazë prej ari, e i tha:
- A nuk i ka ardhur koha kësaj unaze të hidhet.
- Pas kësaj dite nuk do ta shohësh më, - tha Hababi dhe e hodhi atë.”
Këtë e ka transmetuar edhe Gunderi nga Shuëbe.
Referenca: Sahihu i Buhariut 4391
Fjalë të panjohura?