Sahihu i Buhariut — Hadithi 4393
76. Nënkapitulli: Tregimi i fisit devs dhe i Tufejl ibn Amër Devsiut
4393. Nga: Ebu Hurejra
Muhamed ibn Alai më ka thënë: Na ka treguar Ebu Usame, e këtij i ka treguar Ismaili, e ky nga Kajsi se Ebu Hurejra (Allahu qoftë i kënaqur me të!) tregon: “Teksa po shkoja te Pejgamberi ﷺ (në Medinë), gjatë rrugës recitoja:
"Ah, sa natë e gjatë dhe e mundimshme!
Që nga vendi i mosbesimit më shpëtoi.”
Gjatë rrugës më iku një rob, por, kur shkova (në Medinë) dhe ia dhashë besën Pejgamberit ﷺ, në ndejë e sipër me të, u paraqit robi. Pejgamberi ﷺ më tha:
- “O Ebu Hurejre, ja robi yt!”
- Është i lirë për hir të Allahut, - i thashë dhe kështu e lirova.”