Sahihu i Buhariut — Hadithi 4477
5. Nënkapitulli: Ajeti: “... Prandaj mos sajoni me vetëdije zota të barabartë me Allahun.”
4477. Nga: Abdullah ibn Mesudi
Othman ibn Ebu Shejbe më ka thënë: Na ka treguar Xherir ibn Mensuri, e ky nga Ebu Vaili, e ky nga Amër ibn Shurahbili se Abdullah ibn Mesudi (Allahu qoftë i kënaqur me ta!) tregon: “E pyeta Pejgamberin ﷺ: “Cili është mëkati më i madh tek Allahu?”
- “T'i bësh ortak Allahut, ndërsa Ai të ka krijuar” - iu përgjigj Pejgamberi ﷺ.
- Me të vërtetë, kjo është e madhe. Më pas thashë: - Pastaj cili?
- “Ta vrasësh fëmijën tënd, nga frika se do të ushqehet së bashku me ty.”
- Pastaj cili? - thashë.
- “Të bësh zina (imoralitet) me gruan e fqinjit.”