Sahihu i Buhariut — Hadithi 4491
19. Nënkapitulli: Ajeti: “Ata që u kemi dhënë Librin, e njohin atë (Pejgamberin ﷺ), ashtu siç i njohin bijtë e tyre...”
4491. Nga: Abdullah ibn Omeri
Jahja ibn Kazeja na ka thënë: Na ka treguar Maliku, e ky nga Abdullah ibn Dinari se Ibn Omeri (Allahu qoftë i kënaqur me ta!) tregon: “Një ditë, teksa njerëzit ishin duke e falur namazin e sabahut në Xhaminë e Kubasë, u vajti një lajmëtar dhe u tha: “Sonte Pejgamberit ﷺ i ka zbritur një pjesë e Kuranit dhe është urdhëruar të drejtohet nga Qabeja, andaj drejtohuni nga ajo. Ata ishin të kthyer në drejtim të Shamit, kështu që u kthyen nga Qabeja.”