Sahihu i Buhariut — Hadithi 4819

Haxhaxh ibn Minhali na ka thënë: Na ka treguar Sufjan ibn Ujejne, e ky nga Amri, e ky nga Atai, e ky nga Safvan ibn Jala se babai i tij Jala ibn Umeje (Allahu qoftë i kënaqur me të!) tregon: “E kam dëgjuar Pejgamberin ﷺ të lexojë në minber ajetin: “Ata thërrasin: “O Malik, le të na e marrë shpirtin Zoti yt!” (Zuhruf, 77)
Katadja ka thënë: ﴾وَمَثَلًا لِّلْآخِرِينَ﴿ “Shembull për të tjerët": Këshillë për ata që vijnë pas tyre (56).
Dikush tjetër ka thënë: ﴾مُقْرِنِينَ﴿ (Mukrinine): “Nuk do t'i kishim nën pushtet.” Thuhet se filani është “mukrin” i filanit, kur e ka nën pushtet (13).
﴾وَأَكْوَابٍ﴿ (Ekvab): Ibrikët pa çepa (71).
Katadja ka thënë: ﴾فِي أُمِّ الْكِتَابِ﴿ “Në librin amë (Leuhi mahfudh)": Baza dhe esenca e Librit (4).
﴾أَوَّلُ الْعَابِدِينَ﴿ “I pari prej adhuruesve": Kjo nuk ka ndodhur, andaj unë jam i pari që e kundërshtoj (se Allahu ka fëmijë) (81).
Abdullahu e lexonte: ﴾وَقَالَ الرَّسُولُ يَا رَبِّ﴿ “E i Dërguari tha: “O Zoti im.” (88)
Po ashtu thuhet: ﴾أَوَّلُ الْعَابِدِينَ﴿ “I pari prej adhuruesve": Që e mohon (se Allahu ka fëmijë) (81).