Sahihu i Buhariut — Hadithi 4862
296. Nënkapitulli: Ajeti: “Bëni sexhde për Allahun dhe adhurojeni (Atë)!”
4862. Nga: Abdullah ibn Abasi
Ebu Mameri na ka thënë: Na ka treguar Abdulvarithi, e këtij i ka treguar Ejubi nga Ikrime se Ibn Abasi (Allahu qoftë i kënaqur me të!) tregon se Pejgamberi ﷺ bëri sexhde (për shkak të leximit) të sures Nexhm, e në atë rast bënë sexhde edhe të gjithë muslimanët, idhujtarët, xhinët dhe njerëzit.
Transmetimin e Abdulvarithit e fuqizon Ibn Tahmani nga Ejubi. Ndërkaq, Ibn Uleje nuk e përmend Ibn Abasin.