Sahihu i Buhariut — Hadithi 4908

Jahja ibn Bukejri na ka thënë: Na ka treguar Lejthiu, e këtij i ka treguar Ukajli nga Ibn Shihabi, e këtij i ka rrëfyer Salimi se Abdullah ibn Omeri (Allahu qoftë i kënaqur me ta!) tregon se e shkurorëzoi gruan e tij duke qenë me menstruacione. Omeri i tregoi të Dërguarit të Allahut ﷺ për këtë, e në atë rast i Dërguari i Allahut ﷺ u zemërua dhe tha: “Le ta kthejë dhe ta mbajë derisa të pastrohet, të presë derisa t'i vijnë menstruacionet sërish e pastaj të pastrohet (për së dyti). E, nëse pas kësaj mendon se duhet ta lëshojë, le ta lëshojë duke qenë e pastër, pa e prekur më (pa bërë marrëdhënie). Kështu është ideti, siç ka urdhëruar Allahu!”