Sahihu i Buhariut — Hadithi 4997
7. Nënkapitulli: Pejgamberit ﷺ ia lexonte Kuranin Xhibrili
Mesruku ka transmetuar nga Aishja (Allahu qoftë e kënaqur me të), se Fatimja tregon: "Pejgamberi ﷺ më tregoi vetëm mua: “Xhibrili ﷺ ma lexonte Kuranin çdo vit, ndërsa gjatë këtij viti ma lexoi atë dy herë, gjë që më bën të mendoj se më është afruar exheli.”
4997. Nga: Abdullah ibn Abasi
Jahja ibn Kazeja na ka thënë: Na ka treguar Ibrahim ibn Sadi nga Zuhriu, e ky nga Ubejdullah ibn Abdullahu se Ibn Abasi (Allahu qoftë i kënaqur me të!) tregon: “I Dërguari i Allahut ﷺ ka qenë njeriu më bujar në vepra të mira. Bujaria e tij e arrinte kulmin gjatë muajit Ramazan, sepse Xhibrili takohej me të për çdo natë, deri në fund të Ramazanit, e në atë rast i Dërguari i Allahut ﷺ e lexonte me të Kuranin. Andaj, kur e takonte Xhibrili, ishte edhe më bujar se era që fryn (plot mirësi).”