Sahihu i Buhariut — Hadithi 5051
34. Nënkapitulli: Për sa kohë preferohet të mbarohet leximi i Kuranit?
Allahu i Lartësuar ka thënë: “... e ju lexoni Kuran aq sa t’ju vijë më lehtë!” (Muzemil, 20)
5051. Nga: Ebu Mesud Bedriu
Aliu na ka thënë: Na ka treguar Sufjani se Ibn Shubrume ka thënë: “Shikova se sa është e mjaftueshme për dikë të lexojë Kuran (në namaz) dhe nuk gjeta sure më të shkurtër sesa me tri ajete, andaj thashë: “Nuk bën që dikush të lexojë më pak se tri ajete.”
Aliu ka thënë: Na ka treguar Sufjani, e këtij i ka rrëfyer Mensuri, e ky nga Ibrahimi, e ky nga Abdurrahman ibn Jezidi, e këtij i ka rrëfyer Alkame se, teksa Ebu Mesudi (Allahu qoftë i kënaqur me të!) po bënte tavaf rreth Qabesë, përmendi fjalën e Pejgamberit ﷺ: “Atij që i lexon natën dy ajetet e fundit të sures Bekare, i mjaftojnë (kundrejt çdo të keqeje).”