Sahihu i Buhariut — Hadithi 5075
8. Nënkapitulli: Ndalimi për të mos u martuar (fare) e për t'u tredhur
5075. Nga: Abdullah ibn Mesudi
Kutejbe ibn Seidi na ka thënë: Na ka treguar Xheriri nga Ismaili, e ky nga Kajsi se Abdullahu (Allahu qoftë i kënaqur me të!) tregon: “Teksa ishim në beteja me të Dërguarin e Allahut ﷺ dhe nuk kishim asgjë (nga pasuria), i thamë: “A të tridhemi?” Por, ai na e ndaloi tredhjen. Pastaj, na lejoi që të martohemi, qoftë dhe për një rrobë (si mehër) dhe na e lexoi ajetin: “O ju që besuat! Mos i ndaloni të mirat që Allahu i lejoi për ju dhe mos e teproni, se Allahu nuk i do ata që e teprojnë (i kalojnë kufijtë e dispozitave të Zotit).” (Maide, 87)