Sahihu i Buhariut — Hadithi 5098
20. Nënkapitulli: Nuk lejohet martesa me më shumë se katër gra
Allahu i Madhëruar ka thënë “... me dy, me tri e me katra...” (Nisa, 3) Ali ibn Husejni ka thënë: "Dy, tri ose katër. Po ashtu, Allahu i Madhëruar ka thënë: “... melekë me dy, tre dhe me katër krahë...” (Fatir, 1) Domethënë, dy, tre ose katër.
5098. Nga: Aishe bint Ebu Bekri
Muhamedi na ka thënë: Na ka rrëfyer Abde nga Hishami se Urve ibn Zubejri tregon se Aishja (Allahu qoftë i kënaqur me të!), në lidhje me ajetin: “Nëse keni frikë se nuk mbani drejtësi ndaj jetimeve...”, (Nisa, 3) ka thënë: “Fjala është për jetimen, e cila jeton te kujdestari i saj, ndërsa ai martohet me të për shkak të pasurisë, mirëpo sillet keq me të dhe e shpërdor pasurinë e saj. Le të martohet me dy, me tri ose me katër gra që i pëlqejnë, e jo me jetimen.”