Sahihu i Buhariut — Hadithi 5263
5. Nënkapitulli: Ai që ua mundëson grave të zgjedhin (vazhdimin e kurorës apo shkurorëzimin)
Fjala e Allahut të Madhëruar: “... Thuaju grave të tua: “Në qoftë se lakmoni jetën e kësaj bote dhe stolitë e saj, atëherë ejani: unë po ju jap furnizimin (për lëshim) dhe po ju lëshoj ashtu si është e udhës.” (Ahzab, 28)
5263. Nga: Aishe bint Ebu Bekri
Musededi na ka thënë: Na ka treguar Jahjai nga Ismaili, e këtij i ka treguar Amiri se Mesruku tregon: “E pyeta Aishen (Allahu qoftë i kënaqur me të!) për zgjedhjen (vazhdimin e kurorës ose shkurorëzimin), e në atë rast ajo tha: “Pejgamberi ﷺ na e ka mundësuar zgjedhjen. Vallë, paska qenë shkurorëzim?!”
Mesruku shtoi: “Pasi gruaja ime të më ketë zgjedhur mua, unë nuk mërzitem nëse ia mundësoj asaj të zgjedhë, një apo njëqind herë.”