Sahihu i Buhariut — Hadithi 5367
12. Nënkapitulli: Ndihma e gruas ndaj burrit në përkujdesje për fëmijën e tij
5367. Nga: Xhabir ibn Abdullah Ensariu
Musededi na ka thënë: Na ka treguar Hamad ibn Zejdi nga Amri se Xhabir ibn Abdullahu (Allahu qoftë i kënaqur me ta!) rrëfen: “Babai im vdiq duke lënë pas vetes shtatë ose nëntë vajza, andaj u martova me një grua të ve.” I Dërguari i Allahut ﷺ më pyeti:
- “A je martuar, o Xhabir?”
- Po, - i thashë.
- “Me të virgjër apo me të ve?”
- Me të ve, - ia ktheva.
- “Pse nuk e ke marrë të re, që të dëfrehesh me të dhe ajo të dëfrehet me ty, që ti ta bësh të qeshë dhe ajo të të bëjë ty të qeshësh?”
I thashë: “Abdullahu vdiq dhe la pas vetes vajza, andaj nuk dëshirova t'u sjell një të re sikurse ato. Kështu, u martova me një grua të ve që të kujdeset për to dhe t'i edukojë.” Atëherë Pejgamberi ﷺ më tha: “Allahu të begatoftë!” - ose ka thënë: “Mirë!”