Sahihu i Buhariut — Hadithi 5373
1. Nënkapitulli: Ajeti: “Hani nga ushqimet e lejuara që ju kemi dhënë dhe, nëse jeni adhurues të Allahut, falënderojeni Atë!”
Allahu Fuqiplotë ka thënë: “... jepni nga më e mira e asaj që e fituat!” (Bekare, 267) Si dhe: “... hani atë që është e lejuar dhe e mirë dhe bëni vepra të mira se Unë e di atë që ju veproni!” (Muminun, 51)
5373. Nga: Ebu Musa Eshariu
Muhamed ibn Kethiri na ka thënë: Na ka rrëfyer Sufjani nga Mensuri, e ky nga Ebu Vaili se Ebu Musa Eshariu (Allahu qoftë i kënaqur me të!) transmeton se Pejgamberi ﷺ ka thënë: “Ushqeni të uriturit, vizitoni të sëmurët dhe lironi robërit e luftës.”