Sahihu i Buhariut — Hadithi 5439
38. Nënkapitulli: Kur dikush i ofron diçka shokut të tij në tavolinë
Ibn Mubareku thotë: "S’ka gjë t'i shërbejnë njëri-tjetrit, por të mos i bartë diçka prej sofrës te sofra tjetër."
5439. Nga: Enes ibn Malik Ensariu
Ismaili na ka thënë: Më ka treguar Maliku nga Is'hak ibn Abdullah ibn Ebu Talhai se Enes ibn Maliku (Allahu qoftë i kënaqur me të!) tregon: “Një rrobaqepës e ftoi të Dërguarin e Allahut ﷺ për të ngrënë një ushqim që kishte përgatitur dhe unë iu bashkëngjita. Ai na shërbeu bukë elbi dhe gjellë të përgatitur me copa kungulli dhe mishi të thatë. Pashë se i Dërguari i Allahut ﷺ i kërkonte copat e kungullit nëpër anët e tepsisë dhe, që atëherë, e pëlqej kungullin.”
Thumame transmeton se Enesi ka thënë: “Fillova t'ia tuboj para vetes copat e kungullit.”