Sahihu i Buhariut — Hadithi 5468
1. Nënkapitulli: Emërtimi i të porsalindurit një ditë pas lindjes, për ata që nuk bëjnë akikë, si dhe shijimi i hurmës të porsalindurit
5468. Nga: Aishe bint Ebu Bekri
Musededi na ka thënë: Na ka treguar Jahjai nga Hishami, e ky nga babai i tij se Aishja (Allahu qoftë i kënaqur me të!) tregon: “Pejgamberit ﷺ i sollën një foshnjë që t'ia fërkojë qiellzën me lëng të hurmës së përtypur. Në atë moment, foshnja i urinoi në rroba, e në atë rast Pejgamberi ﷺ e spërkati (vendin e urinuar në rrobë) me ujë.”